Felag talkennara og talmeinafraedinga

Því miður verður því ekki komið við að halda aðalfund Félags talkennara og talmeinafræðinga á Akureyri eins og áformað var vegna erfiðleika við að útvega gistingu. Aðalfundurinn hefur því verið færður og verður haldinn á höfuðborgarsvæðinu laugardaginn 6. mars. Fundarstaður og dagskrá veður auglýst síðar.

Kæru félagar í FTT

Við óskum eftir metnaðarfullum greinum í næsta Talfræðing sem er áætlað að komi út fyrir næsta aðalfund þ.e í mars 2010. Þema blaðsins er að þessu sinni málþroski og málþroskafrávik skólabarna með breiðri tilvísan. Við viljum beina spjótum okkar frekar að eldri börnum, þ.e. börnum í grunn og framhaldsskóla. Okkur þætti afar vænt um að félagsmenn taki beiðni okkar vel og sendi inn hugmynd að grein ásamt stuttri lýsingu um innihald. Greinin þarf síðan að vera tilbúin í byrjun febrúar 2010.

Námskeið í meðhöndlun hljóðkerfiserfiðleika barna eftir aðferðum sem þróaðar hafa verið við British Columbia háskólann í Vancouver, Kanada.

Farið verður yfir tvær þjálfunaraðferðir sem hafa verið í þróun við B.C. háskólann síðustu tvo áratugi, annars vegar notkun lagskiptrar hljóðkerfisfræði (non-linear phonology) í markmiðssetningu og þjálfun og hins vegar stutt lýsing á svokallaðri „ultrasound“ aðferð við þjálfun á framburði.

Evrópusamtök talmeinafræðinga CPLOL hélt ráðstefnu í Lubljana í maí. Annar af árlegum fundum með fulltrúum aðildarlandanna var haldinn við sama tækifæri og sóttu fullrúar okkar þær Sigríður Magnúsdóttir og Valdís B. Guðjónsdóttir bæði fundinn og ráðstefnuna, sem var mjög athyglisverð. Í október var síðari fulltrúafundurinn haldinn í Tórínó og var þá jafnframt haldinn aðalfundur.